Որոշումների կայացման մատրիցա․ խնայել թե՞ ներդնել

Դասընթացը տեղի կունենա ապրիլի 14-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Շատերը կանգնում են ընտրության առաջ՝ պահել գումարը բանկում, թե՞ ներդնել այն նոր հնարավորությունների մեջ։ Դասընթացի ընթացքում մասնակիցները կծանոթանան բարդ ֆինանսական հաշվարկների պարզեցված ներկայացմանը և կստանան որոշումների կայացման հստակ մոդելներ։ Վերջինս հնարավորություն է տալիս հասկանալ ռիսկերի գնահատումը, եկամտաբերության վերլուծությունը և ընտրել անձնական նպատակներին համապատասխան առավել արդյունավետ տարբերակներ։

Դասընթացն ինտերակտիվ է, ներառում է տեսական դասախոսությունների, գործնական աշխատանքի, փորձի փոխանակման, ինչպես նաև կրթական ժամանակակից մեթոդների կիրառում: Նման մոտեցումը հնարավորություն է տալիս հաջողությամբ համադրել և ամրապնդել տեսական գիտելիքները, գործնական աշխատանքը և ձեռք բերած նոր հմտությունները:

Դասընթացին արդյունքում մասնակիցները՝
● Կսովորեն կառուցել քայլերի հստակ քարտեզ՝ հաշվի առնելով տարբեր սցենարներ և հնարավոր ռիսկերը, ինչը թույլ կտա «տեսնել» իրենց որոշման ապագան մինչև առաջին քայլն անելը,
● Կծանոթանան այլընտրանքային ծախսերի գաղափարին և կհասկանան, թե իրականում ինչ արժե «չկայացրած» որոշումը, ինչպես նաև՝ ինչպես կարող է անգործությունը կամ սխալ ընտրությունը նվազեցնել պոտենցիալ շահույթը,
● Կվերլուծեն ժամանակի դերը որպես ֆինանսական ռեսուրս՝ հասկանալով, թե ինչպես է այն ազդում ակտիվների արժեքի վրա և ինչպես արդյունավետ կառավարել ժամանակը՝ կապիտալի աճը խթանելու համար,
● Կստանան որոշումների կայացման մատրիցա և գործնական գործիքակազմ, որոնք կօգնեն կշռադատել խնայողություններն ու ներդրումները և խուսափել էմոցիոնալ սխալներից։