Հասկանալ հույզը, կառավարել խոսքը, կանխել կոնֆլիկտը

Նոյեմբերի 17-ին նոր ձևաչափով դասընթացի շրջանակում հնարավորություն կտրվի մասնակցել երեք փոխկապակցված, սակայն առանձին թեմատիկ դասերի։

Յուրաքանչյուր թեմատիկ դասի տևողությունը 45 րոպե է, իսկ մասնակցության արժեքը՝
10 000 ՀՀ դրամ։ Մասնակիցները կարող են ընտրել մեկ, երկու կամ երեք թեմատիկ դասերի մասնակցություն՝ ըստ իրենց հետաքրքրությունների և մասնագիտական կարիքների։ ​​​​​​​Դասընթացի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Դասընթացների թեմաներն են՝
1․ Հուզական ինտելեկտ․ ուղեղի կառուցվածքը, աջ ու ձախ կիսագնդերի գործառույթները, հույզերը
2․ Բարեկրթությունը աշխատանքային միջավայրում․ արժեքներ և հմտություններ
3․ Կոնֆլիկտների կանխարգելում և կառավարում․ մեթոդներ և գործիքներ

Դասընթացը նախատեսված է բոլոր նրանց համար, ովքեր ցանկանում են աշխատանքային միջավայրում զարգացնել հուզական ինտելեկտի, բարեկիրթ հաղորդակցության, ինչպես նաև կոնֆլիկտների կանխարգելման և կառավարման հմտությունները։

Դասընթացի արդյունքում մասնակիցները կկարողանան՝
• ճանաչել սեփական և դիմացինի հույզերը և հասկանալ դրանց ազդեցությունը հաղորդակցության, որոշումների ու վարքի վրա,
• տարբերակել կառուցողական և ոչ կառուցողական վարքագծերը,
• նկատել կոնֆլիկտային իրավիճակների առաջացման նախանշանները,
• վերլուծել կոնֆլիկտների պատճառներն ու մասնակիցների դիրքորոշումները,
• ընտրել կոնֆլիկտների կանխարգելման և կառավարման համապատասխան մոտեցումներ,
• կիրառել հուզական ինքնակարգավորման մեթոդներ լարված իրավիճակներում,
• կիրառել ակտիվ լսելու և արդյունավետ արձագանքելու հմտություններ։

Դասընթացը ներառում է գործնական առաջադրանքներ և իրական աշխատանքային դեպքերի վերլուծություն, որոնք մասնակիցներին հնարավորություն կտան կիրառել ձեռք բերված գիտելիքներն ու հմտությունները իրենց մասնագիտական և առօրյա գործունեության ընթացքում։