Տիգրան Սիմյանը Երևանի պետական համալսարանի Ժուռնալիստիկայի ֆակուլտետի Մեդիաուսումնասիրությունների և նշանագիտության ամբիոնի վարիչն է, պրոֆեսոր, գիտությունների դոկտոր։ Նրա մասնագիտական և գիտական հետաքրքրությունների շրջանակն ընդգրկում է հաղորդակցության տեսությունը, խոսքային և ոչ խոսքային հաղորդակցության հմտությունները, ինչպես նաև ավտորիտար և տոտալիտար վարչակարգերի պրոպագանդայի առանձնահատկությունները։
Տիգրան Սիմյանը 1997–2001 թվականներին սովորել է Երևանի պետական համալսարանի Հայ բանասիրության ֆակուլտետում՝ ստանալով բակալավրի աստիճան։ 2015 թվականին ԵՊՀ-ում ստացել է գիտությունների դոկտորի գիտական աստիճան։
Նա իր ակադեմիական գործունեությունը սկսել է Երևանի պետական համալսարանում, որտեղ 2016 թվականից աշխատում է որպես դասախոս, իսկ 2021 թվականից «Urbis et Orbis. Microhistory und Semiotics of the City» գիտական հանդեսի գլխավոր խմբագրի տեղակալն է։
Գիտական և ակադեմիական գործունեությանը զուգահեռ Տիգրան Սիմյանը տարիներ շարունակ մասնակցել է միջազգային հետազոտական և կրթական ծրագրերի՝ որպես DAAD և KAAD կրթաթոշակակիր։ Նա կրթական և հետազոտական գործունեություն է իրականացրել Գերմանիայի մի շարք համալսարաններում, այդ թվում՝ Գրայֆսվալդի, Յենայի և Քիլի համալսարաններում։ 2024 և 2025 թվականներին եղել է DAAD «Արևելյան գործընկերություն» ծրագրի կրթաթոշակակիր՝ Գրայֆսվալդի համալսարանում։
Տիգրան Սիմյանը հեղինակ է հաղորդակցության, լեզվի, մշակույթի, մեդիայի և նշանագիտության ոլորտներին առնչվող գիտական աշխատանքների և ունի բազմամյա դասավանդման ու ակադեմիական գործունեության փորձ։
