2012 թվականից ի վեր Ուսումնական կենտրոնն ակտիվորեն ներգրավված է ոլորտի մասնագետների ուսուցման և թեստավորման գործընթացներում:
Իր գործունեության տասից ավելի տարիների ընթացքում Կենտրոնը շարունակաբար մեծ դերակատարում է ունեցել և ունենում տարբեր լսարանների համար կրթական դասընթացների մշակման և իրականացման գործում։
ՀՀ ՊԵԿ «Ուսումնական կենտրոն» ՊՈԱԿ-ը մարդկային ներուժի զարգացման առաջատար կրթական կառույց է, որը նպաստում է մասնագիտական գերազանցության, պատասխանատու ծառայության և հզոր պետականության մշակույթի ձևավորմանն ու կատարելագործմանը։
Ապահովել հանրային ծառայողների, տնտեսավարողների, մասնագիտական համայնքների և այլ շահագրգիռ կողմերի համար շարունակական կրթության՝ մասնագիտական և կարողությունների զարգացման հնարավորություններ, որոնց միջոցով գիտելիքը դառնում է ծառայություն, արժեքները՝ վարք, մարդիկ՝ մասնագետներ, իսկ պետություն-մասնավոր երկխոսությունը՝ արդյունք։
Պետականամետ գործունեությունն ու աշխատանքային մշակույթին հետևողական լինելը մեր ամենօրյա աշխատանքային գործունեության հենասյուներն են:
Կարևորելով յուրաքանչյուր աշխատակցի անհատականությունը՝ զուգահեռաբար կիրառում ենք «Մենք»-ի մոտեցումը «Ես»-ի փոխարեն, քանի որ մեր արդյունավետ գործունեության պատճառը թիմային լինելն է:
Խրախուսելով ստեղծագործ մտածողությունը և արհեստական բանականության գործիքների կիրառումը՝ մենք մշտապես շարժվում ենք թվային վերափոխման նոր մակարդակներ՝ ապահովելով տեխնոլոգիական լուծումների վրա հիմնված կրթական միջավայր։
Առաջնահերթությունների հստակ տարանջատումը, ճկուն գործելաձևը, գործընկերների հետ փոխշահավետ հարաբերությունների ապահովումը և անընդհատ զարգանալու մոտեցումները նպաստում են մեր Կենտրոնի կայուն դիրքի ամրապնդմանը:
«Սովորել, ապաՍովորել, վերաՍովորել» մոտեցումը կիրառում է մեզանից յուրաքանչյուրը՝ հոգ տանելով և մասնակիցը դառնալով գիտելիքահենք Հայաստանի զարգացման գործում:
