Առաջնորդության բանաձև

Դասընթացը տեղի կունենա սեպտեմբերի 22-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Ժամանակակից կառավարման մեջ արդյունավետ առաջնորդությունը պայմանավորված է ոչ միայն մասնագիտական գիտելիքներով և հմտություններով (hard skills), այլև առաջնորդի անձով, բնավորությամբ, ինքնագիտակցությամբ և սեփական վարքագիծը կառավարելու կարողությամբ (soft skills)։

Դասընթացի ընթացքում անդրադարձ կկատարվի առաջնորդի անձի և բնավորության ազդեցությանը կառավարման արդյունավետության, թիմային հարաբերությունների և կազմակերպական արդյունքների վրա, ինչպես նաև կծանոթանան ինքնաճանաչման, ինքնագիտակցության և ինքնակառավարման կարևորությանը առաջնորդության գործընթացում։

Դասընթացը նախատեսված է բոլոր նրանց համար, ովքեր ցանկանում են զարգացնել առաջնորդական կարողությունները և բարձրացնել թիմի ու կազմակերպության կառավարման արդյունավետությունը, հատկապես՝ ղեկավարների, թիմերի ղեկավարների, ծրագրերի համակարգողների և կառավարման գործընթացներում ներգրավված մասնագետների համար։

Դասընթացի արդյունքում մասնակիցները կկարողանան՝
• գնահատել առաջնորդի անձի և բնավորության ազդեցությունը կառավարման արդյունավետության վրա,
• զարգացնել ինքնաճանաչման և ինքնագիտակցության հմտությունները,
• ավելի արդյունավետ կառավարել սեփական վարքագիծը, հույզերը և արձագանքները,
• հասկանալ սեփական ինքնության (Self-Identity) և առաջնորդության կապը,
• գիտակցել առաջնորդի անձի ազդեցությունը թիմի և միջանձնային հարաբերությունների վրա,
• կիրառել ինքնակառավարման գործիքներ՝ առաջնորդության արդյունավետությունը բարձրացնելու համար։

Դասընթացը ներառում է գործնական առաջադրանքներ, ինքնավերլուծության և իրավիճակների քննարկումներ, որոնք մասնակիցներին հնարավորություն կտան կիրառել ձեռք բերված գիտելիքներն ու մոտեցումները իրենց մասնագիտական գործունեության ընթացքում։