Մտքերի խաղատախտակ․ խաղերի տեսություն, որոշումների ծառ

Դասընթացը տեղի կունենա շուտով (ժամը՝ 18։30-21։00), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր։

Հանրային քաղաքականության ոլորտում յուրաքանչյուր որոշում նման է խաղատախտակի վրա կատարվող քայլին, որտեղ յուրաքանչյուր ընտրություն կարող է փոխել հետագա զարգացումների ընթացքը։ Սահմանափակ ռեսուրսների, անորոշության և բազմաթիվ շահառուների առկայության պայմաններում կարևոր է ոչ միայն գնահատել սեփական քայլերը, այլև կանխատեսել մյուս կողմերի հնարավոր արձագանքները։

Հանրային քաղաքականության որոշում կայացնողները շատ հաճախ գործում են ռեսուրսների սահմանափակության կամ սղության, ինչպես նաև անորոշության պայմաններում։ Այս դասընթացը նվիրված է գործնական մոտեցումների ուսուցմանը, որոնք թույլ են տալիս խուսափել անարդյունավետ որոշումներից։

Դասընթացի ընթացքում մասնակիցները կսովորեն, թե ինչպես ախտորոշել խնդիրը, ինչպես կառուցել որոշումների վիզուալ մոդելներ («որոշումների ծառեր»)՝ քարտեզագրելու որոշման հնարավոր հետևանքները, և ինչպես գնահատել այն փոխկապված իրավիճակները, որտեղ որոշումը կախված է այլ կողմերի (շահառուներ, գործընկերներ և այլն) արձագանքից։

Նախատեսված է պետական համակարգի այն մասնագետների և ղեկավարների համար, ովքեր առնչվում են քաղաքականությունների մշակման, վարչարարական որոշումների կայացման և բարդ իրավիճակների կառավարման հետ։ Ինչպես նաև թեմայով հետաքրքրված բոլոր անձանց համար, ովքեր ցանկանում են զարգացնել արդյունավետ որոշումների կայացման և բարդ իրավիճակների կառավարման գործնական հմտությունները։

Դասընթացի արդյունքում մասնակիցները կկարողանան․

• Համակարգված կերպով ձևակերպել և ախտորոշել հանրային քաղաքականության խնդիրը,
• Մշակել և լուծել որոշումների վիզուալ քարտեզներ («որոշումների ծառեր»), որոնք կօգնեն տեսնել որոշման արդյունքում ի հայտ եկող հնարավոր սցենարները,
• Կանխատեսել փոխկապված կողմերի վարքագիծը՝ սեփական որոշման ազդեցությամբ,
• Կայացնել հետևանքների համակողմանի գնահատում անցած որոշումներ։

Դասընթացը ներառում է խմբային քննարկումներ, վարչարարության և հանրային կառավարման ոլորտի իրական դեպքերի վերլուծություն, ինչը մասնակիցներին հնարավորություն կտա գործնականում կիրառել դասընթացի ընթացքում ձեռք բերած գիտելիքներն ու գործիքները։