Գրագետ գրավոր հաղորդակցություն. ինչպես գրել հստակ, պրոֆեսիոնալ և ազդեցիկ կերպով

Դասընթացը տեղի կունենա սեպտեմբերի 15-ին (ժամը՝ 18։30-21։45), որի ավարտին ՀՀ ՊԵԿ «Ուսումնական կենտրոն»-ի կողմից կտրվի հավաստագիր:

Գրավոր հաղորդակցությունը միայն ճիշտ ձևակերպում տալը չէ. այն նաև վստահություն, ազդեցություն և արդյունավետ համագործակցություն ստեղծելու գործիք է։

Նախատեսված է տարբեր ոլորտների ադմինիստրատիվ աշխատողների և այն մասնագետների համար, որոնք ցանկանում են զարգացնել հաղորդակցման հմտությունները, բարելավել աշխատանքային և բանակցային նամակագրությունը, ինչպես նաև առավել սթրեսակայուն լինել գործնական տարբեր իրավիճակներում։

Առանձնակի ուշադրություն կդարձվի`
• գործընկերներին և հաճախորդներին գրագետ և սպառիչ կերպով արձագանքելու մշակույթին,
• թեժ գծի աշխատանքի առանձնահատկություններին,
• տողատակի ասելիքին և ոչ վերբալ ազդակներին,
• մամուլի հաղորդագրությունների պատրաստման սկզբունքներին։

Կքննարկենք նաև մանիպուլյացիայի, քողարկված ագրեսիայի և մոբինգի՝ աշխատավայրում հոգեբանական ճնշման դրսևորումներն ու դրանց հակազդելու միջոցները։

Դասընթացի արդյունքում մասնակիցները կկարողանան՝
• կազմել հստակ և տրամաբանորեն ճիշտ կառուցված գրավոր հաղորդագրություն,
• ընտրել իրավիճակին համապատասխան տոն և փոխհարաբերման ձև,
• գնահատել զրուցակցի հուզական ֆոնը՝ արձագանքելու ըստ այդմ,
• AI-ից գրագետ կերպով օգտվել,
• հետևել «կարգապահության» տեխնիկական կանոններին և կիրառել «Այսբերգի մոդել»-ը,
• ճանաչել դիվանագիտական գրագրության «կոդերը»։

Դասընթացը ներառում է իրական դեպքերի վերլուծություն, վարժություններ, հաղորդակցային սցենարների մշակում։ Մասնակիցները կարող են քննարկել նաև սեփական աշխատանքային փորձը, վերհանել խնդիրներն ու ձևակերպել կիրառելի մոտեցումներ։