Ընդհանուր և գործնական անգլերեն հարկային ծառայողների համար
ՀՀ ՊԵԿ Ուսումնական կենտրոնը իր առաքելությանը համապատասխան շարունակում է կազմակերպել դասընթացներ և կենտրոնացնել ռեսուրսներ, որպեսզի հարկային և մաքսային համակարգի աշխատակիիցները բարելավեն իրենց փորձը, բարձրացնեն աշխատունակությունը և մնան մրցունակ իրենց կարիերայում:
Շարունակական վերապատրաստումը շատ կարևոր է այսօրվա արագ զարգացող աշխատաշուկայում, որտեղ նոր հմտությունները և գիտելիքները մշտապես պահանջարկ ունեն:
Ներդրումները լեզվի ուսուցման մեջ՝ լինի դա ֆորմալ կրթության, ինքնուրույն ուսուցման կամ այլ տեսակի ծրագրերի միջոցով, զգալի երկարաժամկետ արդյունքներ են ապահովում ինչպես անհատների, այնպես էլ կազմակերպության և հասարակության համար:
ՀՀ ՊԵԿ Ուսումնական կենտրոնում ապրիլի 30-ին տեղի ունեցավ ՀՀ ՊԵԿ հարկ վճարողների սպասարկման վարչության աշխատակիցների «Ընդհանուր և գործնական անգլերեն հարկային ծառայողների համար» թեմայով երկամսյա ծրագրի մասնակիցների հավաստագրերի հանդիսավոր հանձնման արարողությունը:
Դասընթացների արդյունքում հարկային համակարգի 25 աշխատակից հնարավորություն ունեցան բարելավել և խորացնել անգլերեն լեզվի իմացությունը:
ՀՀ ՊԵԿ Ուսումնական կենտրոնի ուսումնական ծրագրերի համակարգող Արուս Հակոբյանը շնորհակալություն հայտնեց դասընթացավարին և մասնակիցներին հերթական ձեռքբերման համար:
Դասընթացավար Քրիստինե Հարությունյանը շնորհակալություն հայտնեց համագործակցության և մասնակիցների արդյունավետ ներգրավվածության համար:
Մասնակիցները բարձր գնահատեցին թե՛ դասընթացավարների աշխատանքը, թե՛ դասընթացի արդյունքները՝ ընդգծելով ձեռք բերած գիտելիքի կիրառելիության անհրաժեշտությունը աշխատանքային գործընթացներում:
