Տաթևիկ Սիմոնյանը SPRING PR ընկերության համահիմնադիրն է և Doing Digital Forum-ի հիմնադիրը։ Նա ռազմավարական հաղորդակցությունների մասնագետ է՝ հասարակայնության հետ կապերի և հաղորդակցության ոլորտում շուրջ 20 տարվա փորձով։ Մասնագիտացած է ռազմավարական և բրենդային հաղորդակցությունների, մեդիա հարաբերությունների, խոշոր միջոցառումների, մշակութային և բիզնես դիվանագիտության նախագծերի, ինչպես նաև ճգնաժամային հաղորդակցության կառավարման ուղղություններում։

Իր մասնագիտական գործունեության ընթացքում ղեկավարել է ավելի քան 200 նախագիծ՝ համագործակցելով միջազգային և տեղական ընկերությունների, պետական կառույցների, միջազգային և հասարակական կազմակերպությունների հետ։

Տաթևիկը Forbes-ի Հաղորդակցությունների խորհրդի, Հասարակայնության հետ կապերի միջազգային ասոցիացիայի (IPRA) Տնօրենների խորհրդի և WCFA-ի միջազգային խորհրդի անդամ է, ինչպես նաև IPRA Golden World Awards միջազգային մրցույթի ժյուրիի մշտական անդամ։

Նա նաև բիզնես դասընթացավար և միջազգային խոսնակ է՝ ռազմավարական հաղորդակցությունների, թվային փոխակերպման, ներդրողների հետ հարաբերությունների և ճգնաժամերի կառավարման թեմաներով։ Հեղինակել է մասնագիտական հոդվածներ և հրապարակումներ միջազգային հարթակներում՝ անդրադառնալով հաղորդակցության էթիկային, վստահության ձևավորմանը, բիզնես հաղորդակցություններին և ճգնաժամային կառավարմանը։